生日飯兼團年飯

今個新年，我們已分別跟公公及嫲嫲兩家人食過團年飯。今日，就留番給我跟爸媽一家三口食團年飯罷!

爾行: 『媽媽，今年的團年，又幾有新意喎，揀左日式放題來作團年飯?』
媽媽: 『阿仔，係呀。我地新派嘛，食咩都無所謂喇，最重要係一家人坐埋一齊食嘛! 我見你咁大個仔，都好似未認真食過日本野，所以今次咪揀日本野囉。』
爾行: 『媽媽，唔好講咁多喇，我等緊呀，快d 放入我個口喇。』
媽媽: 『阿仔，唔好咁心急，雖然枱面有好多野食，但只係這款蛋壽司你可以食，其餘都無你份呀。』
爾行: 『當真，唔好講笑喇，話明來食團年飯，當然要食得開開心心，甚麼都可以食喇，不如給我試試這幾款壽司呀。』
媽媽: 『no way，小朋友要聽大人話，先至係乖寶寶。你大左，媽媽一定帶你去食，知無! 依家媽媽攞支水出來，你乖乖飲水喇，有少少味架，因為媽媽知你唔飲清水，特別加了少許利賓納架。』

真係諗都無諗過，這餐飯，爾行仔完全無扭過食大人野喎。

睇我這批食粟米的相，大家可否想像得到我遺傳了媽媽咩野呢? 當然是哨牙喇，哈哈，唔知遲d，會唔會有人叫我做【細哨】呢!?
食完飯，當然要行個大運喇。原先媽媽想帶我到維園行花市的，可惜今日整日都下著雨，再加上今日全日維園都好多人，這是Silvia姐姐今日下午報料給媽媽的，所以我地都只有行行Sogo加Times Square就算了。

年三十，洗白白

很多人都會有這個傳統，就是於年三十晚當天，用碌油葉沖涼，寓意將過往一年的衰氣驅走。哈哈! 原來爸媽都興這一套的。今早，爸媽替我洗白白的時候，也為我的泡泡浴加了兩三片的碌油葉，希望新的一年，事事順順利利，身體健康就好了。
大家有否發現我的右眼，明顯的腫了起來。不知何故，昨日一早起床已發現右眼腫起，睡了一覺，情況沒有改善兼更糟。希望快快痊癒，明日大年初一可以用個靚仔樣見人。